Forca e Sigurisë së Kosovës ka organizuar sot  “Ditën e Hapur” për nder të “Ditës së Forcës”, në të gjitha kazermat e saj, me ç’rast vizitorët kanë pasur  mundësi të shohin pajisje, demonstrime dhe aktivitete të shumta që dëshmojnë për kapacitetet e FSK-së. Manifestimi qendror është mbajtur në kazermën “Adem Jashari“ në Prishtinë.

Me këtë rastë ministri i FSK-së, Rrustem Berisha, ka thënë se  sot është ditë e hapur për qytetaret dhe se do  t’i prezantojnë kapacitetet FSK-së.

“E kemi 10 vjetorin e FSK dhe shpresoj që vitin  tjetër të prezentojmë kapacitete tjera. Ne jemi  duke u përgatitur për transformim dhe i falenderoj ushtaret. Ashtu siç kemi deklaruar ne shpresojmë që në muajin dhjetor do te jetë muaji i tranzicionit. Presim të përfundojnë projektligjet nga komisionet. Nuk e dimë nëse do të shkurtohet plani i tranzicionit, por e dim që do të zgjas 10 vjet. Sipas rekomandimit janë paraparë që FSK do ti ketë çdo vit 5 milion shtesë”, ka thënë ai

Gjeneral i forcave tokësore Enver Cikaqi tha se sot do te mundohen që të i prezantojnë të gjitha pajisjet qytetarëve.

” Sot është dita e forcës dhe ne kemi hapur këtë ditë për të gjithë të interesuarit që duan të shohin pajisjet me të cilat punon FSK-ja”, shtoi ai.

Nderyshe sot qytetarë e nxënës të shkollave të ndryshme kanë vizituar kazermen ‘Adem Jashari’, për nder të kësaj dite. /arbresh.info

https://www.facebook.com/arbresh.info/videos/527929624390374/